Porthminster Beach

Hierdie is die strand waarop ons hotel uitgekyk het. Dit het die pragtigste, deursigtige water wat plek-plek turkoois is en plek-plek donkerder blou flits. Mens kan jou voete in die water sien as jy in die see staan.

Die water is YSIG koud. Tog is daar talle mense [meeste van hulle kiddies natuurlik] wat braaf genoeg is om die water aan te tree en te swem. Met die see wat daar so verskriklik terug trek, vorm daar 'n sandbank en ietwat van 'n lagoon tydens laagwater. Ek en Johan het die Sondag genoeg moed bymekaargeskraap en is die see daar in. Die water was so koud dat mens se bene pyn - Johan het selfs pins and needles gehad. Die water was so laag dat ons van ons strand af (Porthminster) na die strand by die baai/hawe kon stap net om die draai. Dit was sooooo pynvol lekker!!!