Attack of the Seagulls - Take Cover!!!

Ons het orals bordjies gesien wat mens waarsku om jou kos nie oop en bloot te eet nie, aangesien die seagulls aggressief is en mens se kos sal steel. Ons het wel nie ten volle begryp dat hulle dit LETTERLIK bedoel nie!

Ek en Johan het vir ons roomyse gekoop en toe op die strand gaan sit om dit te eet. Ek het uitgekyk vir die seagulls rondom ons op die sand om te probeer seker maak hul kom nie nader nie. Ek het wel nie verwag dat een klein blikskottel so waar as wragtig uit die lug uit sal neer swoop op unsuspecting strandgangers en mens se kos sal gryp nie. Arme Johan - hy was so verontwaardig, soos die senuagtige smile op sy gesig in die fodie hierbo verklap... Daar was net ewe skielik 'n fladder en flap van wit vlerke en toe ons weer kyk, is Johan sy roomys kwyt.

Nou ja, nou verstaan ons hoekom mens sekere diere nie moet voer nie - die seagulls daar is gans te mak! Ons was stomgeslaan en geskok, maar ons het lekker gelag. Dit was BAIE FUNNY!