Wat 'n mooi gebaar - 'n bankie ter ere van geliefdes

Dit is so innoverend: Mens kan vir gestorwe geliefdes 'n bankie "koop" waarop 'n plaque aangebring word met 'n boodskap aan hulle ter nagedagtenis. Dis so 'n mooi gebaar en dis bittersoet om al langs die kus af te loop en hier en daar op bankies te rus wat uitkyk oor die see, en baie sentimentele waarde dra vir diegene wat dit laat aanbring het.

Hierdie eerste spesifieke bankie wat ons opgemerk het, het die volgende inskrywing op sy plaque gehad:

"In loving memory of our dear parents Frances (1919-2007) and Ernie Ashley (1923-1995) who loved and never tired of this view during 35 years of wonderful family holidays in St Ives."

Hulle moes ook onlangs daar op vakansie gewees het, want daar was 'n relatief vars bossie blomme aan die bankie vasgemaak, met die volgende boodskap:

"Always in our thoughts. We are here in St Ives again. Missing you both. Love. Children, Grand Children and Great Grand Children."

Dis so pynlik mooi...