Imperial - wraggies!

Die hotel waar ons gebly het in Rome was genaamd Imperial Rooms. En dit het vir jou wraggies imperial gevoel. Ek dink veral Ma Irma sou die meubels gesmaak het - hulle het daardie krakie-effek gehad wat Ma sou van hou. En die plafonne was lekker hoog; anders as ons woonstel in Londen waar Johan nie kan opstrek boontoe sonder om aan die plafon te raak nie.

Die kolosseum is regoor ons hotel gelee en mens kan dit ook vanaf ons kamervenster sien. Regoor ons kamervenster is 'n murasie van die plek waar van die gladiators geoefen het om hulleself gereed te kry vir die battles wat hulle by die kolosseum geveg het.