Beaches galore there by the shore!

Wat St Ives so spesiaal maak, is dat daar iets soos 4 of 5 strande binne die bestek van so 2 kilometer langs die kus van mekaar af is.

Daar is Porthminster Beach waar ons hotel gelee is. 'n Kilometer of so na regs is Carbis Bay. Dan as mens na links afwandel, is daar 'n klein strand by die baai/hawe, 'n entjie verder af is daar Porthgwidden Beach en op die verste punt is Porthmeor Beach gelee. Ek dink die snaakse name is maar afkomstig van hoogere Old-English.

Mens het soveel om van te kies en te keur. Daar is soveel nooks and crannies en plekkies om af te gaan en op die rotse te loop of op 'n bankie te sit en die see te geniet, dat mens nooit verveeld sal raak nie. Mens kan elke dag na 'n ander strand toe gaan, of sommer al 5 strande in een dag plat stap as mens op is daarvoor.

Wat ons ook opgeval het was hoe skoon St Ives is. Daar was selde rommel in sig. Dis regtig 'n pragtige plek.