A view to die for...our hotel

Die eerste twee foto's is van die buitekant van ons hotel. Die eerste een is geneem toe dit nog lekker bewolk was en die verskil is duidelik sigbaar in die 2de foto wat geneem is toe die son uitgekom het. Soos jul kan sien uit die foto's is die hotel op die rotse gebou.

Ons kamer was reg langs die swembad (foto drie) met die pragtigste uitsig van Porthminster Beach. Mens kan deur die dag op die sun deck le op die lounge chairs (foto vier) of mens kan op die deck gaan sit onder 'n sambreel en 'n lekker cocktail of glas bier bestel.

Ek moet se, ons hotel was amazing. Dit het alles wat mens nodig het en nog meer. Ons het ook 2 van die 3 aande daarso, sommer by die hotel se restaurant geeet. Die chef weet klaarblyklik wat hy doen. Die produkte was kraakvars en van die beste kwaliteit. Ons het een aand lekker vars Swordfish bestel en die ander aand Pan Fried Bream wat gegeur is met lemoen en jasmyn op 'n bed van aspersies en 'n semolina koekie - was amazing! Johan het ook 'n kaasbord bestel met 'n kaas wat ons nooit voorheen geproe het nie genaamd yarg - 'n kaas wat in Cornwall gemaak word en gegeur word met wilde knoffel. Oggendetes was ook amazing - 'n buffet met vars chocolate en butter croissants, vars vrugte, droe vrugte, sade en neute, cereals, sowel as jou keuse van 'n warm breakfast (English muffins met eiers en ham en 'n hollandaise sous of tamatie en bokkaas op toast of 'n full English breakfast of gerookte salm ens.)