William Wordsworth's Dove Cottage

Ons besoek Dove Cottage wat in 'n museum omskep is en soek skuiling teen die reën.

Dit is hier waar William Wordsworth geinspireer is om van sy beste en invloedrykste digkuns te skryf.  Wordsworth het hier huis opgesit in 1799 saam met sy suster, Dorothy.  'n Vriendin van kinderdae af, Mary Hutchinson, het ook daar kom bly en is met William getroud.  Drie kinders het binnekort gevolg, so Dove cottage was hulle eerste gesinstuiste saam.

Tydens ons guided tour deur sy huis is ons allerhande interessante dinge wys gemaak oor hoe anders dinge was in daardie tyd:  Hoe hulle elke 5 weke hulle klere gewas het in wat hulle bestempel het as "The Great wash".

In daardie tyd is opium baie maal geneem as pynstiller in vloeistof-vorm gemeng met speserye en brandewyn of wyn, bekend as laudanum.  Hulle het dit selfs vir kinders en baba's gegee wat siek was of wat nie wou ophou huil nie.  Die negatiewe effekte van dwelms was nog nie duidelik in daardie tyd nie.  Alhoewel daar geen bewyse is dat William Wordsworth dit geneem het nie, is dit algemeen bekend dat sy vriend Coleridge daaraan verslaaf was en dit blyk uit Dorothy se joernaalinskrywings dat sy dit ook geneem het.

Verder was dit niks snaaks vir Dorothy om elke dag 'n 14km round-trip te doen om vars blaarslaai te gaan afhaal by 'n plaaslike boer nie.  En ek dog ek en Johan is so braaf met ons 10 kilo hikes!