Heidi

Kaas is groot in Switserland en ons het 'n oordosis daarvan gekry in Gruyeres. Hier is fodies van Johan se broodjie wat hy bestel het, en die sop wat ek bestel het. Die sop is so oulik bedien, dit het gevoel asof ek Heidi is.

In Zurich en Bern praat die mense hoofsaaklik Duits, maar aangesien dit groter stede is, kon baie van die inwoners Engels met ons praat. In Gruyeres was dit egter 'n ander saak - dit is 'n klein, plattelandse dorpie waar Frans die hoof voertaal is. Gelukkig vir Jeanette se Franse klasse wat sy neem - ons een kelnerin by die hotel waar ons gebly het die aand kon nie 'n woord Engelse praat nie. En Jeanette het vir ons bestel en as mediator gedien, en as gevolg daarvan het al ons bestellings reg uitgekom.